يا جماعة انا معايا عربية فيها رقم حلو ومصدقت اخدته بصراحة
وهبيع العربية دي وهجيب عربية تاني مكانها
هو ممكن استعمل نفس الرقم اللي كان فيها بعد ما ابيعها استعمله هو هو للعربية التانية
ناس قالت لي ايوه في حاجة اسمها حفظ رقم لان الرقم ده بأسمك هتقول لهم العربية اتباعت وعايز اعمل حفظ للرقم للعربية الجديدة
مش عارف ايه مدى صحة الكلام ده قلت اشوف يمكن حد من الاخوه هنا جرب الموضوع ده ولا حاجة
لا يا باشا ميتهيئليش ان دة ممكن يحصل لان الرقم مثبوت علي رخصة العربية لحد انتهاء مدة الترخيص وبعد الانتهاء ملاقش حق في الرقم وبيتنقل لعربية تانية الا لو معاك حد تقيل في المرور ممكن يخليك بنفس رقمك ودي انا عملتها لما جيت اجدد العربية وفضلت برقمها القديم
ما انا هنقل ملكية العربية خلاص هبيعها لمالك جديد يعني كده كده هتطلع رخصة جديدة بأسم صاحب العربية الجديد
ففي ناس قالت لي ايوه ممكن بعد ما تبيعها للمالك الجديد وتطلع رخصة جديدة وانت جاي تسلم اللوحات تطلب بحفظ اللوحات بنفس اسمك للعربية الجديدة
فمش عارف بقى هي تقريباً نفس حركتك كده يا ميدو
ممكن فعلا عادى
ايوة ايوة انا فكرتك هتبيع بتوكيل مش نقل ملكية بص لو ليك حد في المرور هيعملهالك يعني انا الي عملهالي لواء علي المعاش كان في المرور وحبايبة هناك خلصوهالي بس كانت لنفس العربية يعني كنت بجدد الرخصة ومغيرتش الرقم فضل زي ما هوةاقتباس:
المشاركة الأصلية كتبت بواسطة 2code
بص ياباشا انت اللى اتعملك دا مش خدمة خاااالص دا طبيعى النمر الجديدة كلها لما بتنقل من مرور لمرور تانى داخل نفس المحافظة بتفضل على العربية مبتتغيرش دا النظام الجديد طالما العربية مش هترخص فى محافظة تانيهاقتباس:
المشاركة الأصلية كتبت بواسطة m i d o
الرقم اصبح خاص بالعربيه مش بصاحبها
طالما العربيه هاتفضل داخل المحافظه نفس الرقم هايكون معاها
رقم السيارة هوا ملكية خاصة بصاحب السيارة.. مايميز سيارة عن سيارة أخرى هوا رقم الشاسيه والموتور
يعني ايه يا جماعة انتوا اتقسمتوا نصين دلوقتي :(
حد جرب الموضوع ده ؟ العربية هتتباع بالكامل وهيبقى ليها مالك جديد يعني مش هعمل له توكيل لأ ده نقل ملكية كامل
هل يمكنني الاحتفاظ بالارقام للسيارة الجديدة ولا لأ ؟
وشكراً على ارائكم يا جماعة واراء الناس اللي جايه مقدماً
ممكن بس هقولك تعمل ايه ودا الحل القانونى اللى محدش يقدر يقولك فيه تلت التلاته كام
سعادتك تشترى العربية الجديدة وترخصها باسمك والقديمة تفضل باسمك لحد مترخص الجديدة وبعدين تعمل نقل نمر بطلب فى المرور ودا عادى وقانونى طالما العربيتين باسمك وبعد كدا اللى اشترا منك العربية القديمة ينقل ملكيتها ليه عادى ب قولى هو رقمك مميز قوى كدا
لو ارقام قديمه ملاكى +اسم المحافظه قاهره جيزه اسكندريه قليوبيه وهكذا - ينفع
لو ارقام وحروف كمبيوتر - مينفعش
الحل انك تخلى العربيتين معاك وتنقل ارقام القديمه للجديده
بس اعتقد ان الارقام المميزه سهل التقاطها فى المخالفات عن الارقام الصعبه
انا حروف وارقام كمبيوتراقتباس:
المشاركة الأصلية كتبت بواسطة mhf_77
يعني انت رأيك ان اخلى العربيتين لغاية ما ابدل الارقام وبعد كده ابيع الاولى ؟ هو ده الحل الوحيد ؟ لو كان كده بسيطة ان شاء الله